- Supervisou as tarefas co alumnado de 1º da ESO realizando gráficas a partir dos datos meteorolóxicos medidos na nosa estación durante o ano 2013.
- Aquí podemos ver ao alumnado traballando.
- E a continuación una mostra das gráficas realizadas e as conclusións obtidas.
Esta
gráfica representa a temperatura media mensual durante o ano 2013.
Obsérvase que o mes no que se rexistrou unha temperatura media
superior e o mes de Xullo. Os meses nos que se rexistraron unhas
temperaturas medias inferiores foron os de Febreiro e Decembro.
Durante os meses de Agosto e Setembro non se realizaron medicións.
Esta gráfica representa as
precipitacións que se produciron na localidade de Muxía durante o
ano 2013. O ano foi bastante chuvioso, sendo o mes de outubro onde se
rexistrou unha maior cantidade de precipitacións.
Nesta
gráfica ponse en común dous aspectos climáticos diferenciados. As
temperaturas medias e as precipitacións rexistradas en Muxía no ano
2013. Como se ve, non se produciu unha gran variabilidade térmica, o
cal é lóxico por ser Muxía unha localidade costeira. En canto as
precipitacións, obsérvase que a época de verán foi a máis seca
do ano como era de esperar.
COMPARATIVA COS DATOS DA ESTACIÓN DE CERVANTES
A
gráfica representa as temperaturas medias mensuais rexistradas en
dúas localidades galegas, en concreto, Muxía e Cervantes. Nos meses
nos que se rexistraron as temperaturas en ambas localidades obsérvase
unha maior temperatura media en Muxía. Esta gráfica serviu para
introducir a análise comparativa aos alumnos de 1º ESO.